पुस्तक क्र. ९९ भारतातील कर्तृत्ववान स्त्रिया

 

वाचनसाखळी समूह महाराष्ट्र राज्य

पुस्तक परिचयकर्ता- सौ अंजली शशिकांत गोडसे शिर्के मर्ढे सातारा

पुस्तक परिचय क्रमांक- ९९

पुस्तकाचे नाव - भारतातील कर्तृत्ववान स्त्रिया

लेखकाचे नाव - सौ.प्रतिभा हंप्रस

प्रकाशन  व आवृत्ती-साकेत प्रकाशन पुणे

पृष्ठे संख्या–  १८९

किंमत /स्वागत मूल्य-- ₹ १७५

📖✒️📚📚📚📚📚📚📚📚📚

९९||पुस्तक परिचय

भारतातील कर्तृत्ववान स्त्रिया

सौ .प्रतिभा हंप्रस

कर्तृत्ववान स्त्रिया म्हणजे धैर्याचं दुसरं रूप, जिद्दीचा झरा आणि आत्मविश्वासाचं सळसळतं सागर! त्या केवळ आई, बहीण, पत्नी, कन्या एवढ्यापुरत्या सीमित राहत नाहीत; तर त्या बनतात समाजाची दिशा दाखवणाऱ्या दीपस्तंभ.

त्यांच्या यशाची वाट फुलांनी सजलेली नसते, तर काटेरी संघर्षांनी भरलेली असते. पण त्या सूर्याच्या तेजाने झळाळणाऱ्या, मेघांच्या गर्जनेला न जुमानणाऱ्या, हातात वाटसरूचा दिवा घेऊन चालणाऱ्या असतात.

कर्तृत्ववान स्त्रिया म्हणजे अशा स्त्रिया ज्यांनी आपल्या कौशल्य, मेहनत, जिद्द आणि आत्मविश्वासाच्या जोरावर समाजात, राष्ट्रात किंवा जागतिक पातळीवर आपली वेगळी ओळख निर्माण केली आहे. अशा स्त्रिया केवळ स्वतःच्या यशापुरत्याच मर्यादित राहत नाहीत, तर त्या इतर महिलांसाठी प्रेरणास्थान बनतात.

कर्तृत्ववान स्त्रिया म्हणजे संघर्षातून उभी राहिलेली, स्वप्न जगलेली आणि इतरांसाठी प्रकाशवाट दाखवणारी दिवटी असते. त्यांचे आयुष्य वाचल्यास आपल्यालाही दिशा मिळते, प्रेरणा मिळते आणि आत्मविश्वास वाढतो.

या पुस्तकात विविध कालखंडातील व क्षेत्रातील स्त्रियांचे उल्लेख आहेत. काही उदाहरणे खालीलप्रमाणे:

झांसीची राणी लक्ष्मीबाई – स्वातंत्र्याची पहिली ज्योत उंचावणारी योद्धा.

राजमाता जिजाऊ हिंदवी स्वराज्य निर्माण करण्यासाठी प्रेरणा देणाऱ्या

सावित्रीबाई फुले स्त्री शिक्षणाच्या मुहूर्तमेढ रोवणाऱ्या पहिल्या शिक्षिका

इंदिरा गांधी – भारताची पहिली महिला पंतप्रधान.

कल्पना चावला – अवकाशात झेप घेणारी पहिली भारतीय महिला अंतराळवीर.

लता मंगेशकर – स्वरकोकिळा, भारतीय संगीताची अमूल्य देणगी.

मदर टेरेसा – सेवा, त्याग आणि माणुसकीचे प्रतीक.

सुधा मूर्ती – समाजसेविका आणि लेखिका.

झांसीची राणी बनते आणि तलवारीच्या पात्यावर स्वातंत्र्याचं स्वप्न रेखाटते,

कल्पना चावला बनते आणि आकाशालाही गवसणी घालते,

लता मंगेशकरच्या स्वरात संपूर्ण राष्ट्र धुंद होते.

अशा अनेक कर्तृत्ववान स्त्रियांची मालिका या पुस्तकात गुंफली आहे .कर्तुत्ववान स्त्रियांविषयी खूप अभिमान वाटतो त्यांच्याविषयी एवढेच वाटते,

ती असते पावसात भिजलेली पण स्वप्नांना ओली करू न देणारी,

ती असते सावलीसारखी शांत पण गरज पडली की वादळ बनणारी,

ती असते मातीला सुवर्णात बदलणारी करामती हाताची जादूगारण,

ती असते शब्दात गंध फुलवणारी कवयित्री आणि कर्मात क्रांती घडवणारी कार्यकर्ती.

कर्तृत्ववान स्त्रिया म्हणजे शतकांची साखळी तोडून नव्या वाटा शोधणाऱ्या,

त्या संस्कारांची शिदोरी घेऊन आधुनिकतेच्या प्रवाहात सहज नांदणाऱ्या.

त्यांच्या आयुष्याच्या प्रत्येक पानावर लिहिलेला असतो संघर्षाचा श्लोक आणि प्रेरणेचा अध्याय.

कर्तृत्ववान स्त्रिया म्हणजे केवळ व्यक्ती नव्हे, त्या असतात युगनिर्माती!

त्यांचा प्रत्येक श्वास म्हणजे सर्जनाची कविता, आणि त्यांचा प्रत्येक पाऊल म्हणजे समाजाला उजळवणारी गाथा.

प्रत्येक स्त्रीने वाचलं पाहिजे असे हे सुंदर पुस्तक .नक्कीच या पुस्तकातून आपल्याला एक वेगळी प्रेरणा मिळते आपल्या आयुष्यात खंबीरपणे लढण्यासाठी !धन्यवाद .

☘️🍂☘️🍂☘️🍂☘️🍂🌾🎋🌾

          

सौ . अंजली शशिकांत गोडसे (शिर्के )

मु.पो मर्ढे ता . जि सातारा