पुस्तक क्र २५ डोन्ट लूज युवर माइण्ड लूज युवर वेट

 

वाचन साखळी समूह महाराष्ट्र राज्य

पुस्तक परिचयकर्ता- सौ अंजली शशिकांत गोडसे शिर्के मर्ढे सातारा

पुस्तक परिचय क्रमांक-२५

पुस्तकाचे नांव- डोन्ट लूज युवर माइण्ड लूज युवर वेट

लेखकाचे नांव- ऋजुता दिवेकर

प्रकाशन  व आवृत्ती-  अमेय प्रकाशन , पुणे २००९

नववी आवृत्ती

पृष्ठे संख्या– २०४

किंमत /स्वागत मूल्य-- १६५₹

📖✒️📚📚📚📚📚📚📚📚📚

२ ५||पुस्तक परिचय

        डोन्ट लूज युवर माइण्ड लूज युवर वेट

लेखक - ऋजुता दिवेकर

☘️🍂☘️🍂☘️🍂☘️🍂🌾🎋🌾

वजन कमी करण्याचे प्रयत्न करण्याच्या दरम्यान मनशांती अत्यंत महत्वपूर्ण असते. अनेकजन त्रासात आहेत कारण त्यांना त्याच्या वजनाची समज नसते किंवा त्याच्या अनुपस्थितीच्या वेळी त्यांच्यावर स्वाभाविक चपलपणा, धाळण व प्रतिक्रिया होते.

वजन कमी करण्याच्या प्रयत्नांच्या दरम्यान, खाण्याच्या अभ्यासांत व आरोग्यपूर्ण जीवनशैलीतील बदल करण्याचा प्रयत्न करा. खाण्याच्या अभ्यासांत बदल करताना, या तत्त्वांच्या मदतीने आराम आणि मनःशांती मिळू शकते.

हल्ली सर्वांच्यात लठ्ठपणाचे प्रमाण जास्त वाढताना दिसला आहे आधुनिक युगात ही एक माणसाला दिलेली देण्याचा असावी . आपल्या जीवनात राहणीमानात झालेले बदल आपल्या शरीरात दिसून येऊ लागले आहेत आणि यातूनच व्यायाम डायट या सर्वांचा जन्म झाला. याचा आपल्या शरीरावर नक्की काय परिणाम होतो आपलं मन कसं अस्वस्थ होतं. याविषयी सुंदर माहिती या पुस्तकात दिलेली आहे पुस्तकाचे नावच खूप छान आहे डोन्ट लूज युवर माईंड लूज युवर वेट म्हणजेच वजन कमी करा मनशांती नाही. ऋजुता दिवेकर लिखित हे पुस्तक ज्यांना लठ्ठपणा घालवायचा आहे पण स्वतःचा मानसिक स्वास्थ्य बिघडू द्यायचं नाही अशांसाठी खूपच मौल्यवान आहे.

या पुस्तकाला स्वतः प्रसिद्ध अभिनेत्री करीना कपूर यांनी प्रस्तावना दिलेली आहे. ऋजुता दिवेकरयांनी करीना कपूर यांना परफेक्ट डाएट आणि व्यायाम यांची माहिती देऊन त्यांची फिगर झिरो केलेली आहे .करीना कपूरच्या फिगरची आपण सर्वत्र चर्चा झालेली पाहिली आहे .योग्य आहाराबरोबर योग्य व्यायाम असेल तर आपलं वजन नियंत्रणात राहतं .सर्वांसाठी ऋजुता दिवेकर यांनी अतिशय सुंदर असे सल्ले या पुस्तकात दिलेले आहेत .  वजन कमी करण्यासाठी काय काय उपाय करता येतात याची सविस्तर माहिती या पुस्तकात दिलेली आहे .

ऋजुता मॅडम आपल्या पुस्तकाबद्दल लिहिताना म्हणतात,

डाएटिंगबद्दलचे माझे विचार मी या पुस्तकात मांडले आहेत. डाएटिंग किंवा डाएट या दोन इंग्रजी शब्दांचा किती चुकीचा अर्थ आजकाल लावला जातो हे मी त्यात सांगितलं आहे. डाएटवर 'जाणं', डाएट 'सोडणं' असं काही नसतंच. योग्य आहार हे आयुष्यभराचं व्रत आहे. त्यामुळे डाएटही तसंच असलं पाहिजे. अतिरेकी डाएट्स, कॅश डाएट्स यांना त्यात कुठे थाराच नाही. तुमची शारीरिक हालचाल, जीवनशैली, तंदुरुस्तीची पातळी, आवडी-निवडी, पिढीजात गुणदोष यानुसार तुमचा आहार ठरला पाहिजे. दात घासणं हा जसा रोजच्या कामाचा भाग. असतो तसा आहार हा एक भाग असला पाहिजे. प्रत्येकाचं डाएट वेगळं, त्या त्या व्यक्तीनुसार असणं आवश्यक असतं. सरसकट एकच नियम सगळ्यांना लावून काहीच फायदा नाही. कुणाच्या शरीराच्या कुठल्या भागात चरबी साठावी हे आपण ठरवू शकत नाही, ते अनुवंशिक असतं. ज्या पुस्तकावरचं चित्र तुमच्या शरीराच्या आकाराशी जुळतं असं वाटेल, ते पुस्तक गंमत म्हणून डाएटिंगसाठी उचलाल. (पण तुमचा आकार, लिंग, वजन, वय, राष्ट्रीयत्व कोणतंही असलं तरी चरबी कमी करण्याचे आणि तंदुरुस्त आयुष्याचे नियम तेच असतात).

हे पुस्तक कसं वाचावं याचीही माहिती अगदी सुरुवातीला दिलेली आहे. जर कोणाला पुस्तक वाचायला वेळ नसेल तर प्रत्येक प्रकरणानंतर महत्त्वाची माहिती एका चौकटीत दिलेली आहे. फक्त हे जरी वाचलं तरी आपल्या डायटला आणि वजन कमी करण्याला एक नवी दिशा मिळेल.

या पुस्तकात एकूण सहा प्रकरण आहेत

हे डाएट नव्हे

कसं खावं याची उजळणी

काय खावे याचा पुनर्विचार

योग्य आहाराचे चार तत्व

जाणीव अंगी बानवणं

ज्ञान आणि कृती यांचा मेळ

च्या प्रकरणातून या पुस्तकाची विभागणी केलेली आहे या प्रत्येक प्रकरणात अतिशय सुंदर आणि मुद्देसूद माहिती दिलेली आहे.  कोणाला आपलं वजन नियंत्रणात ठेवून आपलं मानसिक स्वास्थ्य ही बिघडू द्यायचं नाही त्यांच्यासाठी हे पुस्तक वरदान आहे .तेव्हा नक्की वाचा हे पुस्तक आणि आपलं वजन आटोक्यात ठेवा. मात्र आपल्या मनावर त्याचा परिणाम होऊ देऊ नका .धन्यवाद🙏

सौ . अंजली शशिकांत गोडसे शिर्के 

 मर्ढे  सातारा .