पुस्तक क्र.२२ जिजाऊ सावित्रीच्या कर्तृत्ववान लेकी

 

वाचन साखळी समूह महाराष्ट्र राज्य

पुस्तक परिचयकर्ता- सौ अंजली शशिकांत गोडसे शिर्के मर्ढे सातारा

पुस्तक परिचय क्रमांक-२२

पुस्तकाचे नांव- जिजाऊ -  सावित्रीच्या कर्तृत्ववान लेकी

लेखकाचे नांव- अँड. शैलजा मोळक

प्रकाशन  व आवृत्ती-  शिवस्पर्श प्रकाशन , पुणे, २०२३ प्रथम आवृत्ती

पृष्ठे संख्या– १२४

किंमत /स्वागत मूल्य-- १५०₹

📖✒️📚📚📚📚📚📚📚📚📚

२१||पुस्तक परिचय

         जिजाऊ - सावित्रीच्या कर्तृत्ववान लेकी

लेखक / संकलक -  अँड. शैलजा मोळक

☘️🍂☘️🍂☘️🍂☘️🍂🌾🎋🌾

तीन जानेवारी हा क्रांतीज्योती सावित्रीबाई फुले यांचा जन्मदिवस आपण मोठ्या आनंदाने साजरा करतो. महिला शिक्षण दिन, बालिका दिन म्हणून दिवस साऱ्या भारतभर साजरा केला जातो. त्याच बरोबर जानेवारी महिन्यात आणखी येणारा एक महत्त्वाचा दिन म्हणजे 12 जानेवारी . राजमाता जिजाऊ यांचा हा जन्मदिवस हा दिवसही आपण जिजाऊ जयंती म्हणून मोठा आनंदात साजरा करतो. या दोन कर्तृत्ववान स्त्रियांच्या कार्यामुळेच आज आपली भारतातील प्रत्येक स्त्री ही शिकू शकली आणि घडू शकली यांचे या दोघींचे मानावे एवढे आभार कमीच आहेत. आभाराला शब्द अपुरे पडतील, लिहायला शाई अपुरी पडेल एवढ यांचं कर्तृत्व महान आहे आणि या महान कर्तृत्ववान दोघींच्या कर्तुत्वाच्या आणि नेतृत्वाच्या शुभ नावाने मिळणारा हा जिजाऊ सावित्रीच्या कर्तृत्ववान  लेकी या पुस्तकातील लेख म्हणजे एक मानाचा मुजराच या सर्व लेखिकांना मिळत आहे .साक्षात प्रभू शिवाजी महाराजांच्या दरबारी असं म्हणायला काही हरकत नाही .

आदरणीय शैलजाताईंनी या पुस्तकाची अर्पण पत्रिका आपल्या आजी ,आई आणि सासुबाई या कर्तृत्ववान महिलांना समर्पित केली आहे .शैलजाताई म्हणतात जिजाऊ सावित्री व इतर सर्वच महानायिकांचा आदर्श घेत त्यांच्या आचार , विचार व कृतिशील वाटेवर चालणाऱ्या माझ्या सर्व माता भगिनींना हे पुस्तक समर्पित

सदरहू पुस्तकात महाराष्ट्र राज्यातील एकूण 31 कर्तृत्ववान लेकींचा त्यांच्या कार्याचा आढावा घेणारा असा अभिप्राय लिहून ,त्यांच्यावर लेख लिहून त्यांचा शब्द सरस्वतीने साक्षात गौरव केलेला .

या पुस्तकातील सर्वच कर्तुत्ववान महिला या वेगवेगळ्या जाती-धर्माच्या आहेत म्हणजे भारत देशात जशी विविधतेत एकता आहे तशीच या पुस्तकात विविध कर्तृत्ववान लेकिन च्या रूपाने कर्तृत्ववान अशी एकी या पुस्तकात आपल्याला प्रामुख्याने दिसून येते प्रत्येकीची कौटुंबिक पार्श्वभूमी वेगवेगळ्या असली तरी तिचा ध्येय मात्र एकच आहे आपले समाजासाठी काहीतरी करणे काही महिलांनी शून्यातून विश्व निर्माण केल आहे .

या पुस्तकात समाविष्ट केलेल्या दिग्गज आणि कर्तृत्ववान महिला पुढील प्रमाणे आहेत

१) डॉ. गीताली वि. म.

२) डॉ. लता प्र.म.

३) डॉ. स्नेहल तावरे

४) डॉ. किरण मोघे

५) मयुराताई देशमुख

६) डॉ. सुवर्णा नाईक-निंबाळकर

७) डॉ. लता पाडेकर

८) डॉ. सुवर्णसंध्या धुमाळ

९) डॉ. जयश्री चव्हाण

१०) डॉ. अलका नाईक

११) डॉ. आरजू तांबोळी

१२) डॉ. मनीषा वारे

१३) सुनिताराजे पवार

१४) प्रा. विजया मारोतकर

१५) नंदिनी जाधव

१६) सुवर्णा पवार

१७) अर्चना झेंडे

१८) दिपा देशमुख

१९) विनया निंबाळकर

२०) प्रतिभा लोखंडे

२१) मेघना झुझम

२२) शीतल शेखे

२३) वंदना अवघडे

२४) सविता सातव

२५) भारती बलकवडे

२६) सारिका भोसले

२७) शर्वरी सुरेखा अरूण

२८) तमन्ना इनामदार

२९) स्वाती पाटील

३०) सुरेखा शिंदे-देशमुख

३१) ज्योती भुरट

त्यांच्या जीवनाचा वाढता आलेखच या पुस्तकात आदरणीय मोळक ताईंनी मांडलेला आहे.

या पुस्तकाला प्रस्तावना डॉ. मनोहर जाधव प्रमुख भारतरत्न डॉ. बाबासाहेब आंबेडकर अध्यासन सावित्रीबाई फुले पुणे विद्यापीठ यांची लाभलेली आहे. आदरणीय मोळक ताईंचा  जीवनप्रवास  स्वतः जवळून त्यांनी पाहिलेला असल्यामुळे आपल्या प्रस्तावनेत त्यांनी केलेल्या विधायक कार्याचा  आवर्जून उल्लेख  केलेला आहे . ही पुस्तक निर्मिती कशी झाली याची ही माहिती अतिशय ओघवत्या भाषेत दिलेली आहे.

आपल्या शब्दांविषयी लिहिताना मोळक ताई म्हणतात,

सामाजिक व साहित्यिक काम हीच माझी कायम उर्जा आहे व ती सामाजिक हित, ऐक्य, सलोखा, शांतता यासाठी गरजेचेही आहे. तेव्हा आपल्याला जमेल तसे करत राहू... भेटत राहू.. बोलत राहू.. लिहित राहू.. या भावनेतून मी सतत ते करत आहे..!!

खरंच प्रत्येक स्त्रीने वाचावं असे पुस्तक आहे प्रत्येक पानातून एक आदर्श व्यक्ती आपल्याला भेटत जाते आणि आपण नैराश्यातून पुन्हा उभारी घेत राहतो.

विशेष म्हणजे याकर्तृत्ववान स्त्रियांच्या यादीत माझ्याही आईचे नाव जोडले गेलेले आहे याचा मला सार्थ अभिमान वाटतो .अशा आईच्या पोटी जन्म नाही घेतला तरी तिचे पदरात राहून यशोदेप्रमाणे ती माझा श्रीकृष्ण सारखा सांभाळ करील हे नक्कीच !

तेव्हा नक्की वाचा हे पुस्तक !  अभिप्राय कळवा .आदरणीय शैलजा ताई यांच्या पुढील प्रवासास माझ्या मनःपूर्वक शुभेच्छा आणि असेच छान छान सामाजिक विधायक उपक्रम तुमच्या हातून घडोत याच ईश्वरचरणी प्रार्थना🙏✒️📖💐🎉 धन्यवाद

सौ .अंजली शशिकांत गोडसे शिर्के 

मर्ढे सातारा