❤️🚩 *मराठी देश*🚩♥️
माझ्या मराठी देशाची
किती वर्णावी किर्ती
सोन्या रुप्याच्या घागरींनी
पंचगंगा समृध्दी भरती
लेवूनी मराठमोळा साज
मोहक सुंदर लावण्यवती
माझ्या मराठीचा बाज
चंद्रकोरीतून कपाळी कोरीती
माझ्या मराठी बोलीत
आहे मायेचा गोडवा
मराठी नुतन वर्षाचा
स्वागत करीतो गुढीपाडवा
माझ्या मराठी मातीत
कर्तृत्वाचे हिरेमोती चमकती
त्यांचा ठेवून आदर्श
मानवी पिढी घडविती
इथल्या कणाकणात
माय मराठी पाझरते
लेकरांना सुख द्याया
कष्ट अपार झेलते
माझ्या सह्याद्रिचा कणखरपणा
नसानसात भिनतो
शत्रूलाही शह देण्या
दिल्लीच्या तख्ताला भिडतो
विविध असल्या बोली तरी
जन्मदात्री मराठी आहे
महाराष्ट्रातल्या मनामनात फक्त
मराठीची भूमी आहे
चहू दिशांनी येवोत वादळे
मागे आम्ही हटणार नाही
मराठी आहोत मराठीच राहणार
जाती पंथ, धर्म, भेद मानणार नाही
शाहू, फुले, आंबेडकरांचा
वारसा पुढे नेणार
शिवविचारांचा नवा
महाराष्ट्र घडणार
मराठीचा प्रत्येक शिलेदार
अन्यायाविरुध्द लढणार
मराठीसाठीच जगणार
मराठीसाठीच मरणार
©️✒️📚🌹💫
*सौ . अंजली शशिकांत गोडसे*
*मर्ढे सातारा*
अती सुंदर , मराठी अस्मिता जपणारी , सर्व मुद्यांना स्पर्शून जाणारी अशी कविता आपण मांडली आहे .आपणास ही मराठी दिनाच्या शुभेच्छा
ReplyDeleteधन्यवाद जी
ReplyDelete