पुस्तक क्र १२५ कथा 'ती 'च्या उमेदीच्या

 वाचनसाखळी समूह महाराष्ट्र राज्य

पुस्तक परिचयकर्ता- सौ अंजली शशिकांत गोडसे शिर्के मर्ढे सातारा

पुस्तक परिचय क्रमांक- १२५

पुस्तकाचे नाव - कथा 'ती ' च्या उमेदीच्या

लेखकाचे नाव - डॉ शुभांगी कुंभार

प्रकाशन  व आवृत्ती- अथर्व कुणाल प्रकाशन सातारा

पृष्ठे संख्या–  ९६

किंमत /स्वागत मूल्य-- ₹ १६०

📖✒️📚📚📚📚📚📚📚📚📚

१२५||पुस्तक परिचय

 कथा

   'ती ' च्या उमेदीच्या

साहित्यविश्वात स्त्रीमनाच्या संवेदनशील आणि संघर्षमय वाटचालीला समर्पित असा डॉ. शुभांगी कुंभार यांचा  कथा 'ती' च्या उमेदीच्या हा कथासंग्रह वाचकांसमोर येतो. स्त्रीच्या आयुष्याची विविध रूपं, तिचे भावविश्व, तिची स्वप्नं, संघर्ष, आकांक्षा, अपमान व अभिमान यांचा अचूक शब्दबद्ध पट या संग्रहात खुलतो.

डॉ. कुंभार यांची लेखनशैली साधी, सरळ पण हृदयाला भिडणारी आहे.

वास्तवाचे अस्सल चित्रण करताना त्या अलंकारिक भाषेचा अतिरेक न करता, नेमक्या शब्दांनी मनाचा ठाव घेतात.

कथानकांमध्ये ग्रामीण व शहरी पार्श्वभूमी, स्त्रीपुरुष नात्यांची गुंतागुंत, समाजातील विसंगती यांचे दर्शन घडते.

या संग्रहातील कथा प्रामुख्याने “ती” – म्हणजेच स्त्रीभोवती फिरतात. ती एक मुलगी असते, कधी पत्नी, कधी आई, कधी समाजातील उपेक्षित स्त्री, तर कधी स्वतःच्या अस्तित्वासाठी झगडणारी योद्धा. प्रत्येक कथेतून तिच्या जिवनाचे वेगवेगळे पैलू उमटतात.

स्त्रीच्या स्वाभिमानाचा शोध

समाजाच्या रूढींशी झुंज

शिक्षण, विवाह, आर्थिक स्वावलंबनाची गरज

प्रेम, आसक्ती आणि त्याग

कथेचा गाभा साधा असूनही डॉ. शुभांगी यांच्या संवेदनशील लेखणीमुळे त्या कथा वाचकांच्या मनात खोलवर रुततात. जिथे भावनांना शब्द सापडत नाहीत, तिथे त्यांचा लेखनस्पर्श नवा उलगडा घडवतो.

कथा 'ती' च्या उमेदीच्या” हा संग्रह केवळ मनोरंजन घडवणारा नसून विचारप्रवर्तक आहे. वाचकांना आपल्या आजूबाजूच्या स्त्रिया नव्या दृष्टीकोनातून पाहायला लावतो. पिढ्यानपिढ्यांनी चालत आलेल्या अन्यायाविरुद्ध आवाज उठवण्याची ताकद या कथांमध्ये आहे.कथासंग्रहात एकूण १५ कथांचा समावेश आहे . या पुस्तकाला आदरणीय श्री . रवींद्र खंदारे उपशिक्षणाधिकारी जिल्हा परिषद सातारा यांची प्रस्तावना लाभलेली आहे .या पुस्तकात प्रत्येक कथेतून एक नाव व कथानक समोर येतं आणि एक नवीन नायक आणि नायिका आपल्यासमोर येते .प्रत्येक कथा ही विचार करायला लावणारी आहे .समाजाचे भान राखणाऱ्या कथा या पुस्तकात आहेत .शेवंता असेल रमाला भेटणारी आजी असेल शिक्षिका असेल कलेक्टर झालेला मुलगा असेल डॉक्टर असेल श्याम असेल शालन असेल अशा कितीतरी नायक आणि नायक आपल्याला या आता कथासंग्रहात भेटत आहेत .प्रत्येक कथा ही कसे प्रसंगाला तोंड द्यायचे आणि जीवन कसे जगायचे याचे उत्तम उदाहरण आहे .अतिशय हळव्या आणि संवेदनशील मन असलेल्या माझ्या मैत्रिण डॉ.शुभांगी कुंभार यांनी त्यांच्या खास शैलीत या कथा रेखाटल्या आहेत .

एकंदरीत, कथा 'ती'च्या उमेदीच्या हा स्त्रीमनाच्या भावनिक प्रवाहाला आणि सामाजिक वास्तवाला भिडणारा असा महत्त्वाचा कथासंग्रह आहे, जो साहित्यरसिकांना केवळ वाचनाचा आनंदच नव्हे तर विचारांची नवीन दिशा देतो.

डॉ .शुभांगी कुंभार यांच्या लेखणीला उत्तरोत्तर बळ येवो ! त्यांच्या पुढील लेखन प्रवासास खूप खूप शुभेच्छा ..

धन्यवाद .

☘️🍂☘️🍂☘️🍂☘️🍂🌾🎋🌾          

सौ . अंजली शशिकांत गोडसे (शिर्के )

मु.पो मर्ढे ता . जि सातारा