पुस्तक क्र १०१ जगायचय प्रत्येक सेकंद

 वाचनसाखळी समूह महाराष्ट्र राज्य

पुस्तक परिचयकर्ता- सौ अंजली शशिकांत गोडसे शिर्के मर्ढे सातारा

पुस्तक परिचय क्रमांक- १०१

पुस्तकाचे नाव - जगायचंय प्रत्येक सेकंद

लेखकाचे नाव - मंगला केवळे

प्रकाशन व आवृत्ती- ग्रंथाली प्रकाशन मुंबई

पृष्ठे संख्या– १३८

किंमत /स्वागत मूल्य-- ₹ 200

📖✒️📚📚📚📚📚📚📚📚📚

१०१||पुस्तक परिचय

जगायचंय प्रत्येक सेकंद

मंगला केवळे

जगायचयं प्रत्येक सेकंद हे पुस्तक म्हणजे आयुष्याच्या रंगमंचावर घडणाऱ्या अनेक भावनिक, संघर्षमय आणि सकारात्मक क्षणांचं साहित्यिक प्रतिबिंब आहे. लेखिका मंगला केवळे यांनी स्वतःच्या जीवनातील अनुभव, प्रसंग, आणि मनात उमटलेल्या तरल भावना शब्दबद्ध करताना वाचकांच्या मनाला भिडणारी शैली वापरली आहे.

या पुस्तकात प्रत्येक क्षणात आशा शोधण्याची, दुःखातही शिकण्याची, आणि आयुष्याला सामोरं जाण्याची सकारात्मक दृष्टी दिली आहे. संघर्षांवर मात करताना केलेले छोटे छोटे निर्णय, अपयशातून उभं राहण्याची उमेद आणि ‘जगायचयं’ हे तत्त्वज्ञान हळूहळू मनात खोलवर रुतत जातं.

लेखिकेची भाषा ही प्रामाणिकतेचा स्पर्श असलेली, अनुभवांनी ओतप्रोत आणि भावनांनी नटलेली आहे. अतिशय सहजतेने, पण प्रभावीपणे त्या वाचकाला आपल्या भावविश्वात ओढून घेतात. त्यांचे लेखन हे साहित्य नसून जीवनाचे सत्य वाटावे असे आहे.

हृदयाला भिडणारं, मनाला उभारी देणारं आणि जीवनाचा अर्थ शोधायला लावणारं "जगायचयं प्रत्येक सेकंद" हे पुस्तक तुमच्या आयुष्यातील एक नवा दृष्टिकोन घेऊन येईल, ही खात्री.

मंगला केवळे लिखित पुस्तकात त्यांनी आपल्या पतीच्या निधनानंतर आलेली वादळे कशी केलेली याचं मूर्तिमंत उदाहरण या पुस्तकातील आहे .एक स्त्री खंबीरपणे कशी उभी राहू शकते हे पुस्तक वाचल्यावर आपल्याला समजून येते .

सुरुवातीला द्या सारखे रडत बसायच्या निराशरायच्या पण नंतर त्यांनीआपल्या पतीच्या छंद सारखे अनेक छंद जोपासत आयुष्यात कसं जगावं नाही तर आयुष्य प्रत्येक सेकंद कसं जगावं याचं उत्तम उदाहरण दिलं .त्यांच्या दोन अपत्यानंतर हे पुस्तकही त्यांचं तिसर अपत्य आहे हे त्या आवर्जून सांगतात .या पुस्तकाच्या आतापर्यंत दहा हजार प्रती वाचकापर्यंत पोहोचले आहेत .या पुस्तकांवर अनेकांनी खूप सुंदर सुंदर अभिप्राय दिलेले आहेत .मंगला मॅडमचे पती बूट पॉलिश करत रेल्वेमध्ये तरी तर याच्या वस्तू विकत वेगवेगळ्या प्रकारचे नोकरी त्यांनी करत आपले शिक्षण पूर्ण केले आणि ते डॉक्टर झाले .डॉक्टर होऊन त्यांनी अनेक कला छंद जोपासले आणि आपलं जीवन आनंदाने जगले पण एका अपघाताचे निमित्त होऊन त्याखाली मरण पावले .त्यांच्या मृत्यूनंतर मंगला मॅडम यांनी सांगितलेले त्यांच्या वाढीची शिक्षणाची आणि त्यांच्या सहजीवनाची ही कहाणी म्हणजे हे पुस्तक .

या पुस्तकाची काही वैशिष्ट्यं :

व्यक्तिगत अनुभवांची साक्षर मांडणी

लेखिकेने आपल्या आयुष्यातील अनेक भावनिक, सामाजिक, मानसिक टप्प्यांचा प्रांजळ आढावा घेतला आहे.

आशावादाचा सूर

निराशेच्या गर्द छायांतही आशेचा दीप तेवत ठेवणं, हीच या पुस्तकाची आत्मा आहे.

महिलांच्या दृष्टिकोनातून जीवनदृष्टी

स्त्री म्हणून लेखिकेने ज्या अनुभवातून जसं काही आत्मचिंतन केलं आहे, ते अनेक महिलांसाठी प्रेरणादायी ठरतं.

साध्या भाषेतील सखोल विचार

अलंकारिक न करता थेट हृदयाला भिडणाऱ्या शैलीत ही मांडणी आहे.

त्यांच्या आयुष्यातील मला आवडलेला एक सुंदर प्रसंग . नवरा बायकोचं नातं किती सुंदर असतं हे सांगणारा .

१० मे ९१, शुक्रवार, डॉक्टरांनी मला पोहणे शिकवायला सुरुवात केली. मी अगदी नवीन. पाण्यात बुडायचे, माझ्या नाका-तोंडात पाणी जायचे, मी गुदमरायचे, घाबरायचे, चक्क ओरडायचेसुद्धा. सगळी पुरुष मंडळी आमच्याकडे पाहायची. मग तर मी अजूनच लाजून जायचे. डॉक्टर मला पुन्हा पोहण्याच्या खाचाखोचा सांगत राहायचे. पाण्यात हातपाय मारायला लावायचे. मी पाण्यात बुडायचे, ओरडायचे. सर्वजण आमच्याकडे पाहायचे, परंतु 'डॉक्टरांनी शिकवणे व मी शिकणे' काही सोडले नाही. तो पोहण्याचा चौथा दिवस होता. खरेच, माझा विश्वास बसत नव्हता. मी स्वतंत्रपणे पोहू लागले. डॉक्टरांनी मला तीनच दिवसांत पोहायला शिकवले. डॉक्टर म्हणू लागले, "माझ्या मंगलने मी दिलेल्या सर्व बारीकसारीक सूचनांकडे लक्ष दिले. त्याप्रमाणे प्रयत्न केले. अपेक्षिलेल्या चार दिवसांऐवजी मंगल तीनच दिवसात पोहायला शिकली." डॉक्टरांच्या चेहऱ्यावर आनंद ओसंडून वाहात होता. माझे ते खूप कौतुक करत होते व इतर लोक बघत आहेत, हसत आहेत, ह्याची कशाचीही पर्वा न करता त्यांनी मला शिकवले, प्रोत्साहन दिले, ह्याबद्दल मी त्यांचे कौतुक करत होते. खरेच ! आम्ही दोघेही एकमेकांना सारख्याला वारखे (Made for each other) असेच भेटलो होतो का?

किती सांगून जाणारा आहे हा बोलका हा प्रसंग .खरंच हे जगायचं प्रत्येक सेकंद पुस्तक वाचल्यावर नक्की समजत .आयुष्यात कितीही दुःख आले तरी खचून न जाता आपल आयुष्य आपण आनंदाने जगलं पाहिजे .

हे पुस्तक केवळ वाचण्याचं नाही — अनुभवण्याचं आहे.

ते आपल्या मनात एक चिरंतन प्रेरणा पेरून जातं :

"क्षणांचा हिशोब करू नका,

प्रत्येक क्षणाला जगा."

प्रत्येकाने वाचावे इतक नितांत सुंदर पुस्तक .

धन्यवाद .

☘️🍂☘️🍂☘️🍂☘️🍂🌾🎋🌾

          

सौ . अंजली शशिकांत गोडसे (शिर्के )

मु.पो मर्ढे ता . जि सातारा