क्रांतीज्योती सावित्रीबाई फुले

 

*क्रांतीज्योती सावित्रीबाई फुले यांच्या १२५ व्या स्मृतिदिनानिमित्त*

*सावित्रीबाईंची थोरवी*

🙏🏻📚✒️🌹

नायगावच्या कुशीत जन्मली

 स्त्री शिक्षणाची जननी

 सावित्रीबाईंची थोरवी गाते

 सदैव माझी ग वाणी  ॥ धृ॥

स्त्रियांच्या उद्धारासाठी 

पती राजाच्या मागे गेलीस झणी

सत्यवानाच्या सावित्रीपेक्षाहि 

 सत्य सावित्री झालीस ग राणी ॥१॥

कर्मठ निष्ठूर समाजकंटकांनी

 किती केली ग मनमानी

 सभ्य संयमी वर्तणुकीतून 

भल्याभल्यांना पाजलेस तू पाणी ॥२॥

स्त्रीशिक्षणाची आणलीस गंगा 

खेडोपाडीच्या लेकींच्या अंगणी 

दिन दुबळयांची सेवा करून झालीस

 विद्येची देवता तू ज्ञानदायीनी ॥ 3॥

अक्षरलेखणीशी जोडून नाते 

काव्यफुलांतून गायिलीस गाणी

 स्मरण तुझे अखंड राहते 

प्रत्येक  स्त्रीच्या  ह्रदयातुनी ॥४॥

 सावित्रीबाईची थोरवी गाते

 सदैव माझी ग वाणी

✒️ 🙏🏻📚🌹

 *सौ.  अंजली शशिकांत गोडसे मर्ढे सातारा*